In hânfol sân…
t Sân streamt my stadich
tusken de fingers troch,
kinst it net keare.
Troch helder wetter
snjitte fiskeliven,
wêr gean’ se hinne?
Dizige dagen –
hast is de koeke op,
swiet binn’ de brokjes.
It skaad wurdt langer
it wie in lange reis
de doar stiet iepen.
’t Skipke mind’ret feart
yn ’t sicht fan de haven -
hast binne wy thús.
Bern op myn skerte –
eachjes sjogge my oan:
wa bistó dan wol?
Haikû’s
Hjoed en takomst
*
de michjes dûnsje
fiere har koarte libben
en it is in feest
*
blêd op it wetter
swemt op de weagjende stream
nei syn bestemming
*
silend nei de kym
dêr’t nimmen fan weromkomt
hoopj’ op in wûnder
*
Fûl flamjend sinljocht
brekt yn dimmene daudrup
ien pronk fan kleuren
Mear fan Hindrik J. Brouwer
Ik bin Ik rin troch de smelle gongen; / kasten, kasten, links en rjochts |
In hânfol sân ’t Sân streamt my stadich/ tusken de fingers troch,/ kinst it net keare. |
Hjoed en takomst Fjouwer Haikû’s |